Hum Un Se Agar By Ibn-e-Insha

Ibn-e-Insha

 Ghazal 

Hum Un Se Agar Mill Baithte Hain Kyaa Dosh Hamara Hota Hai

Kuch Apni Jasarat Hoti Hai Kuch Un Ka Isharaa Hota Hai

Katne Lageen Raten Ankhon Main Dekha Nahin Palkon Pe Aksar

Kabhi Sham-e-Gariibaan Kaa Jugnuu Kabhi Subah Ka Tara Hota Hai

Hum Dil Ko Liye Har Des Phire Is Jins Ka Gahak Mill Na Saka

Ay Banjaaro Hum Loog Chale Hum Ko To Khasara Hota Hai

Hum Apni Zaban Se Kuch Bhi Kahen, Shayar Hain Khayalon Se Khelen

Aa Jao To Baham Mil Baithen Kabhi Hijr Bhi Pyara Hota Hai

Daftar Se Uthe Cafe Main Gaye Kuch Sher Kahe Kuch Cofee Pii

Poocha Jo Mu'ash Ka "Inshaa Jii" Yun Apna Guzara Hota Hai

Ibn-e-Insha Ashaar

Ibn-e-Insha

Ashaar

Tu Kahe Jaye Ga Kab Tak K Hua Kuch Bhi Nahi

Ay Dil Is Dard Ki Sunte Hain Dua Kuch Bhi Nahi

Ehel-e-Wafa Se Baat Na Karna, Hoga Tera Asool Miyan

Hum Kyun Choren In Galiyun K Pheron Ka Mamool Miyan

Thani Dil Main Ab Na Kisi Se Milenge Hum

Per Kya Karen K Hogaye Nachaar Jii Se Hum

Haq Acha, Per Us K Lye Koi Or Mare To Or Acha

Tum Bhi Koi Mansoor Ho, Jo Sooli Pe Charho Khamosh Raho