Tumhari Berukhi

Tumhari berukhi par bhi ulta di zindagi hum nay 

Agr tum meharbaan hotay to apna haal kiya hota 

Ejaaz Hai Kis Ka Ye - Allama Muhammed Iqbal

Dr. Allama Iqbal

Ejaaz hai kis ka ye gardish-e-zamana

Toota hai asia main ye sehar-e-firangana

Tameer aashiyan se main ne ye raaz paya

Ehel-e-nawa k haq main bijli hai aashiyana

Ye bandag Khudaye, wo bandage gadaye

Ya banda-e-Khuda ban, Ya banda-e-zamana

Ghafil na ho khudi se kar apni paasbani

Shayad kisi haram ka tub hi hai aastana

Ay La Illaa K waris, baqi nahi hai tujh main

Guftaar dilbarana, kirdaar kahiraana

Tere nigah se dil senon main kaanpte the

Khoya gaya hai tera jazba-e-qalandarana

Raaz-e-haram se shayad “Iqbal” ba khabar hai

Hain is ki guftugu k andaaz muhrimaana

Iqbal Tere Dais Ka Kya Haal By Meer Ul Islam Hashmi

Iqbal Tere Dais Ka Kya Haal Sunaon

Meer ul Islaam Hashmi

Tere Ishq Ki Inteha Chahta Hon By Allama Iqbal

Dr. Allama Iqbaal

Ghazal

Tere ishq ki inteha chahta hon

Mere saadgi dekh kya chahta hon

Sitam ho k ho wada-e-behijabi

Koi baat sabar aazma chahta hon

Ye jannat Mubarak rahe zahidon ko

K main aap ka saamna chahta hon

Koi dam ka mehmaan hon, ay ehel-e-mehfil

Chiragh-e-sehar hon bhuja chahta hon

Bhari bazm main raaz ki baat kehdi

Bara beadab hon, saza chahta hon

Saaqi - Allama Iqbal

Allama Iqbal

Saaqi

Nasha pila k girana to sab ko aata hai

Maza to jab hai k girton ko tham le saaqi

Jo baada kash the purine wo uth’te jaate hain

Kahin se aab-e-Baqaye dawam le saaqi

Kati hai raat to hangama gustari main teri

Sehar kareeb hai, Allah ka naam le saaqi

Allama Iqbal's Sher

Allama Iqbal