Showing posts with label Ahmed Naseem Qasmi. Show all posts
Showing posts with label Ahmed Naseem Qasmi. Show all posts
Monday, 14 February 2011
Wednesday, 2 February 2011
Jab Se Aankhon Main By Ahmed Naseem Qasmi
Ghazal
Jab se aankhon main khatakne lagi rait
Mere sehraon main was’sat na rahi
Ishq tehzeeb main zanjeer hua
Koi shiddat koi hiddat na rahi
Jane ab tak hai Khuda kyun tanha
Koi khalwat bhi to khalwat na rahi
Muskuraon bhi to kis barte per
Ab to rone ki bhi fursat na rahi
Ab to tewar hi balak uthte hain
Aah o faryaad ki hajat na rahi
Khud se begaana hua hon jab se
Mujh ko tujh se bhi muhabbat na rahi
Itna pamaal hua zauq “Nadeem”
Zakhm khane main bhi lazzat na rahi
Monday, 24 January 2011
Kon Kehta Hai K Maut - Ahmed Naseem Qasmi Ghazal
Kon kehta hai k maut aaye to marjaonga
Main to darya hon, samandar main utar jaonga
Tera dar chor k main or kidher jaonga
Ghar main ghir jaonga, sehra main bikhar jaonga
Tere pehlu se jo uthonga to mushkil ye hai
Sirf ik shaks ko paonga jidher jaonga
Ab tere shehar main aonga, musafir ki tarah
Saya-e-Abar ki manind guzar jaonga
Charah sazon se alag hai mere mayaar k main
Zakhm khaonga to kuch or sanwar jaonga
Zindagi shamma ki manind jalata hon “Nadeem”
Bujh to jaonga magar subha to karjaonga
Subscribe to:
Posts (Atom)
