guzre dinon ki yad barsati ghata lage
guzrun jo us gali se to thandi hawa lage
mehman banke aye kisi roz agar wo shakhs
us roz bin sajaye mera ghar saja lage
main is liye manata nahin wasl ki khushi
mere raqib ki na mujhe baddua lage
wo qahat dosti ka para hai k in dinon
jo muskura k bat kare ashna lage
tark-e-wafa k bad ye us ki ada ‘Qateel’
mujhko sataye koi to us ko bura lage
No comments:
Post a Comment