Ranjha Ranjha Kardi By Baba Bulleh Shah

Ejaaz Hai Kis Ka Ye - Allama Muhammed Iqbal

Dr. Allama Iqbal

Ejaaz hai kis ka ye gardish-e-zamana

Toota hai asia main ye sehar-e-firangana

Tameer aashiyan se main ne ye raaz paya

Ehel-e-nawa k haq main bijli hai aashiyana

Ye bandag Khudaye, wo bandage gadaye

Ya banda-e-Khuda ban, Ya banda-e-zamana

Ghafil na ho khudi se kar apni paasbani

Shayad kisi haram ka tub hi hai aastana

Ay La Illaa K waris, baqi nahi hai tujh main

Guftaar dilbarana, kirdaar kahiraana

Tere nigah se dil senon main kaanpte the

Khoya gaya hai tera jazba-e-qalandarana

Raaz-e-haram se shayad “Iqbal” ba khabar hai

Hain is ki guftugu k andaaz muhrimaana

Zulm Seh Kar Bhi Samjhta Hon - Mohsin Naqvi Shayari

Mohsin Naqvi

Ghazal

Zulm seh kar bhi samjhta hon k tu mera hai

Mere dushman tere chehre pe lahoo mera hai

Subha dam shehar ki shorish tere dam se hogi

Raat k pichle pehar aalam hoo mera hai

Mere hathon main chupe zakham se pehchan mujhay

Tere daman pe bhi ahsaan rafoo mera hai

Ghir gaya hon main talatum main bhi zindaan ki tarah

Halka-e-mauj rawan touq-e-gulo mera hai

Itni shohrat bhi kahan chahi thi khud se main ne

Apne hi shehar ka har shaks adu hai mera

Dhoop chaaon ki ye rut dil main tehar jane de

Aks tera hai to saaya lab jo mera hai

Patharon se muhabbat mujhay yun bhi hai “Mohsin”

Sangdil shehar main ik aayena ru mera hai

Wo Mera Khayal Thi - John Elia Urdu Poetry Sher

John Elia

Wo mera khayal thi, so wo thi

Main us ka khayal tha so main tha

Ab dono khayal mar chuke hain

Zamane Bhar Ki Nighahon Se Jo - Poetry Of Mohsin Naqvi

Mohsin Naqvi

Zamane bhar ki nigahon se jo Khuda sa lage

Wo ajnabi hai magar mujh ko aashna sa lage

Najane kab meri dunya main muskuraye ga

Wo shaks k khuabon main bhi khafa sa lage

Ajeeb cheez hai yaro ye manzilon ki hawis

K rahzan bhi musafir ko rehnuma sa lage

Dil tabah tera mashwara hai kya k mujhay

Wo phool rung sitara bhi bewafa sa lage

Huwi hai jis se mun’nawar hai aik ankh ki jheel

Wo chand aaj bhi “Mohsin” ko kam numa sa lage

Yun Aanso Na Bahao - Shayari-e-Dard

Sad Urdu Poetry

Yun aanso na bahao k abhi umer pari hai

Gham apna na chupao k abhi umer pari hai

Sar-e-shaam kyun pete ho tanhaiyun k dar se

Zara mekhane se nikal aao k abhi umer pari hai

Mere qatil se hai milna to zara aayene main dekho

Phir yun chehra na chupao k abhi umer pari hai

Kheera karti hain nigahon ko wo roshan aankhen

Jalte suraj ko bhujao k abhi umer pari hai

Poet: Shabeeb Hashmi

Deta Rehta Hai Koi - Love Urdu Poetry

Love Urdu Poetry

Urdu Nazam - Hawa Thami Thi Zaror Lakin

 Urdu Nazam

Hawa Thami Thi Zaroor Lekin,

Wo Shaam Jesy Sisak Rahi Thi

K Zard Patton Ko Aandhiyun Ne Ajeeb Qissa Suna Dia Tha

K Jis Ko Sun Kar Tamam Pattay

Sisak Rahe The

Bilak Rahe The

Janae Kis Sanehe K Ghum Main

Shajar Jaron Se Ukhar Chuke The

Bohat Talasha Tha Hum Ne Tumko

Har Aik Rasta, Har Aik Waadi

Har Aik Parbat, Har Aik Ghaati

Kahin Se Teri Khabar Na Ayi

To Ye Keh K Hum Ne Dil Ko Tala

Hawa Thame Gi To Dekh Lain Ge

Hum Us K Raston Ko Dhoond Lain Ge

Magar Hamari Ye Khush Khayali

Jo Hum Ko Barbaad Kar Gaye Thi

Hawa Thami Thi Zaroor Lekin

Bari Hi Mud'dat Guzar Chuki Thi

Hamare Balon K Jungalon Main

Safaid Chandi Utar Chuki Thi

Falak Pe Taray Nahi Rah The

Gulaab Pyare Nahi Rahe The

Wo Jin Se Basti Thi Dil Ki Basti

Wo Loog Saare Nahi Rahe The

Ye Almiya Sab Se Baalatar Tha

K Hum Tumhare Nahi Rahe The

K Tum Hamare Nahi Rahy the

Hawa Thami Thi Zaroor Lekin

Bari Hi Mud'dat Guzar Chuki Thi

Chand K Sath Jagti Ankhen - Urdu Shayari In Urdu By Mussart Anjum

Mussart Anjum

Ghazal

Aik Chand Tanha Khara Raha - Urdu Shayari, Ghazal

Designed Ghazal

Welcome - Ghazal By Wasi Shah

Wasi Shah

The Last Call Urdu Ghazal By Wasi Shah

Wasi Shah

Last Call

Ye Na Thi Hamari Qismat - Mirza Ghalib

Mirza Asad Ullah Khan Ghalib

Ye na thi hamari qismat, k visaal-e-yaar hota 
Agar aur jeete rehte, yehi intezaar hota 

Tere waade par jeye hum, to ye jaan jhoot jana 
K khushi say mar na jaate, agar aitbaar hota 
 
Rug-e-sung say tapakta, wo lahoo k phir na thumta 
Jese ghum samajh rahay ho, ye agar sharaar hota 
 
Kahoon kiss se main ke kya hai, shab-e-ghum buri bala hai 
Mujhay kya bura tha marna, agar aik baar hota 
 
Huwe mar k hum jo rusva, huwe kyun na gharq-e-darya 
Na kabhi janaza uth’ta, na kahin mazaar hota 

Ye masail-e-tasav’vuf, ye tera bayan “Ghalib” 
Tujhay hum wali samajhte, jo na baada khuwar hota

Ek Baar Jo Mil Jaye Dubara Nahi Milta

Sad Ghazal

Ik baar jo milta hai dubara nahi milta

Itni bari dunya main koi hamara nahi milta

Kis ko banayen apni zindagi ka hamsafar

Hum ko kahin se ishara nahi milta

Har rooz naye naye loog milte hain

Magar koi bhi jaan se piyara nahi milta

Gham k bhanwar main aise phasi hai naao

Pareshan hai is kadar k kinara nahi milta

Muddat k baad tere gali main aaye hain

Ab kis se pochen k tumhara ghar nahi milta

Poet : Muhammed Asghar

Ye Jo Berukhi Hai Baja Nahi Urdu Poetry Sms

Ghazal

Ye Jo Berukhi Hy Baja Nahi,Ye Adayen Kyon,Ye Ghuroor Kya?

Ye Guraiz Kis Liye Is Qadar,Ye Khafa Khafa Se Huzoor Kya?

Tjhe Yad Krna Mzaaq Tha,Tjhe Bhool Jana Azab Hai

Ye Saza Hai Jurm-e-Firaaq Ki, Mere Hafzey Ka Qasoor Kya?

Tere Saath Hai Jo Teri Ana,Mere Saath Mera Naseeb Hy

Mujhe Tujh Se Kesi Shikaytein,Tujhe Khud Pe Itna Ghuroor Kya?

Ye Tmhara Chehra Kitab Hai,Isy Parh Raha Hun Main Warq Warq

Zara Baat Saada Likha Karo,Ye Muhawron Ki Satoor Kya?

Saharon Choot Jate Ho - Romantic Urdu Shayari

Ghazal

Saharon choot jate ho to kuch acha nahi lagta

Kinaron roth jate ho to kuch acha nahi lagta

Baharon se ladhe pholon, tumhe to zindagani ho

Magar jab sokh jate ho to kuch acha nahi lagta

Ay mere dil tumhari har ada sar ankhon pe mere

Magar jab toot jate ho to kuch acha nahi lagta

Mujhay mujh se churate ho to sab kuch khuab lagta hai

Magar jab roth jate ho to kuch acha nahi lagta

Tum aate ho to har lamha tumhare husn main doobe

Magar jab laut jate ho to kuch acha nahi lagta

Tumhara hi yaqeen mujh ko shaoor-e-zindagi bakhshe

Kabhi tum dagmagate ho to kuch acha nahi lagta

Mere lafzon main rehte ho to lamhe jhoom jate hain

Kisi k geet gate ho to kuch acha nahi lagta

Neelgun Fizaon Main - Urdu Nazam

Nazam

Neelgun fizao’on main

Shor hai bapa dil main

Shid’daton k mosam ki

Chahaten siwa dila main

Habs hai bhara dil main

Mian udaas galiyun ki

Ek udaas baasi hon

Badalon k parde se

Wehmon ko dhakti hon

Khusbuyen gulabon k jism se nikalti hain

Roshni ki umedain koylon per jalti hain

Phir bahaar aane se pehle toot jaati hain

Choriyan bhi hathon main toot photo jati hain

Jism k shagofon mian rung chor jaati hain

Bus sunhere lehje ki

roshni hai lau jesi

Hont se pare dil main

Kaam ki dua aise

Kis ko ye khabar lakin

Is sunehre lehje main

Khare khare paani sa

Badgumaniyun se pur

Zehar aisa ghul jaye

Jis se aik dam sara

Sunhera lehja dhul jaye

Aj Tajdeed-e-Wafa Ka Din Hai - Romentic Ghazal

Shayari-e-Ishq

Aaj tajdeed-e-wafa ka din hai

Arzo’on ki baqa ka din hai

Tang nazron ki baat kya kejiye

Murda zehnon ki baat kya kejiye

In ko pholon se ber hai shayad

Aise kanton ki baat kya kejiye

Aaj dunya k sab bakheron se

Aaj zindan k sab andheron se

Chal zara door ja kar dekhte hain

Sab apne gham bhula kar dekhte hain

Bohat in zulmaton main reh chuke hum

Bohat in silsilon ko seh chuke hum

Ab k zakhmon ko see k dekhte hain

Kaif ka jaam pe k dekhte hain

In bakheron main bohat jee liya hai

Apni khatir bhi jee k dekhte hain

Aaj tajdeed-e-wafa ka din hai

Arzo’on ki baqa ka din hai

Kitne kache garhe yahan toote

Kitne hi “Ranjhon” k gahr choote

Kitne hi “Qais” rule sehra main

Kitne hi kohkanon k sar phote

Kaye “Zulekhayen” huye hai benaam

Kaye “Yousuf” sar-e-bazaar bike

Iski rahon ki ajab peeta hai

Qalam likhte hue sisakta hai

Kaye “Mansoor” daar per latke

Kaye jazbe hazaar baar bike

Kisi ne taaj mehal banwaya

Kisi ne saltanaten thukradeen

Kisi ne zindagi tabah karli

Kisi ne maut se wafa karli

Aaj tajdeed-e-wafa ka din hai

Arzo’on ki baqa ka din hai

Rah-e-ulfat ki saari dastanen

Aaj kehti hain roh-e-insaani

Is zamane k tape sehra main

Apne hisse k phool bo k jiyo

Har taraf wehshaten hain, dehshat hai

Har taraf uljhanen hain nafrat hai

Magar is arsa-e-mehshar main logon

Kya zarori hai sabhi ro k jiyo?

Zindagi k haseen bhi rukh hain

In rukhon main nazar simo k jiyo

Kisi ki khushiyun ko mehsoos karo

Kisi ko apna karo kisi k ho k jiyo

Aaj tajdeed-e-wafa ka din hai

Arzo’on ki baqa ka din hai

Gulaab jazbon k talatum main

Mauj khate hue paani ki tarah

Raqs karti hue hawayen hain

Mehki mehki hue fizayen hain

Saaz ki mast rawani ki tarah

Aawaan-e-shadmaan hawaon ko

Zindagi se bhari adaon ko

Apne ehsaas ko sahara dain

Apne jazbaat ko kinara dain

Aaj tajdeed-e-wafa ka din hai

Surkh pholon ki baqa ka din hai

Poet : Muhammad Nawaz

Bilal Muraad Poetry - Beqarari Hijr Main Shiddat

Decorated Ghazal

Bilal Muraad

Ik Baat Kahon Gar Sunti Ho

Gul Tera Rung - Designed Urdu Ghazal By Ahmed Naseem Qasmi

Ahmed Naseem Qasmi

Designed Ghazal

Koi Dhudla Sa Ek Chehra - Ghazal

Urdu Ghazal

Koi dhunla sa ik chehra mere ankhon main rehta hai

Koi bhatka sa ik jugno mere khuabon main rehta hai

Aik manoos se awaaz mujhay sone nahi deti

Koi uljha sa ik jumla mere baton main rehta hai

Hai kis k shabnami anchal ki khusbu ab talak mujh main

Koi ehsaas mehka sa mere sanson main rehta hai

Mujhay khud per nahi kabu na main kuch bol sakta hon

Asar ye kis k lafzon ka mere baton main rehta hai

February ki khushk raten mujhay beechen rakhti hain

Lams ik hath ka ab tak mere sochon main rehta hai

Hia dil bhi muztarib ehsaas bhi sochon ki uljhan bhi

Yeh kis ki ankh ka aasnso mere ankhon main rehta hai

Tum Jo Hote - Sad Urdu Poetry

Sad Ghazal

Tum jo hote to mujhay kitna sahara hota

Main ne auron ko na dukh mian pukara hota

Jitni shiddat se wabasta tha main tujh se

Kis tarh mera, tere bagher guzara hota

Mujh ko ye soch hi kafi hai jalane k lye

Main na hota to koi or tumhara hota

Or hum beth k khamoshi se rote rehte

Shaam hoti, sharaab hoti, dariya ka kinara hota

Kis Kadar Anokha Hai Rabta By Wasi Shah

Wasi shah

Kiss kadar anokha hai raabta muhabbat ka

Kab na janay ho jaye moujza muhabbat ka

Apni zaat se bhi wo ajnabi sa lagta hai

Jiss k sath ho jaye haadsa muhabbat ka

Wo chala hi jata hai jis ne jana hota hai

Lakh do chahe usko waasta muhabbat ka

Zindagi mein jeenay ka aasra nahi rehta

Jab kisi se chin jaye hosla muhabbat ka

Doston se 'WASI' agar tumhain muhabbat hai

Doston ko mat dena mashwara muhabbat ka

Ruki Hue Hai Abhi Tak- Urdu Ghazal By Parween Shakir

Parween Shakir

Ruki hue hai abhi tak bahaar ankhon main

Shab-e-wisaal ka jese khumaar ankhon main

Mita sake gi isse gard-e-mah-o-saal kahan

Khinchi hue hai jo tasweer-e-yaar ankhon main

Bus ik shab ki musafat thi or ab tak hai

Ma-o-najoom ka saara ghubaar ankhon main

Hazaar sahib raksh saba mizaaj aaye

Basa hua hai wohi she sawaar ankhon main

Wo aik tha pe is ko jab tahe talwaar

To bat gaya wohi chehra hazaar ankhon main

Zulm K Hathon -Sad Poetry By Parween Shakir

Parween Shakir

Sad Ghazal

Zulm k hathon aziyat main hai jis tarah hayaat

Aisa lagta hai k ab hasher hai kuch dair ki baat

Roz ik dost k marne ki khabar aati hai

Roz ik qatal pe jis tarah k mamoor ki baat

Khema-e-gher se mangwaye hue ye mukhbar

Ran pare ga to ghari bhar ko na de payen ge sath

Kis tarah jaan sake tayerak no aamooz

Kon hai jaal khusha kon lagaye hue ghaat

Aastenon main chupaye hue har ik khanjar

Or guftaar ki babat main hain sab kand o nabaat

Sagar Siddiqui Ghazal - Manzi Gham Ki Fizaon

Sagar Siddiqui

Romantic Urdu Poetry By Sahir Ludhyanvi

Sahir Ludhyanwi

Romantic Ghazal

Kabhi kabhi mere dil main khayal aata hia

K jese tujh ko banaya gaya hai mere lye

Tu ab se pehle sitaron mian bas rahi thi kahin

Tujhay zameen pe bulaya gaya hai mere lye

Kabhi kabhi mere dil main khayal aata hai

K ye badalti nigahen mere amanat hain

Ye geso’on ki ghani chaon hain mere khatir

Ye hont or ye banhen mere amanat hain

Kabhi kabhi mere dil main khayal aata hai

K jese bajti hai shehnaiyan se rahon main

Suhaag raat hai ghonghat utha raha hon main

Simat rahi hai tu sharma k apni bahon main

Kabhi kabhi mere dil main khayal aata hai

K jese tu mujhay chahe gi umer bhar yun hi

K lute gi mere taraf pyar ki nazar yun hi

Main janta hon tug her hai magar yun hi

Kabhi kabhi mere dil main khayal aata hai

Main Pal Do Pal Ka Shayar Hon - Urdu Shayari By Sahir Ludhyanwi

Sahir Ludhyanwi Poetry

Main pal do pal ka shayar hon

Pal do pal mere kahani hai

Pal do pal mere hasti hai

Pal do pal mere jawani hai

Mujh se pehle kitne shayar

Aaye or aakar chale gaye

Kuch aahen bhar k laut gaye

Kuch naghme ga kar chale gaye

Wo bhi ik pal ka kissa the

Main bhi ik pal ka kissa hon

Kal tum se juda hojaonga

Jo aaj tumhara hissa hon

Kal or aayen ge naghmon ki

Khilti kaliyan chun’ne wale

Mujh se behtar kehne wale

Tum se behtar sun’ne wale

Kal mujh ko koi yaad kare

Kyun mujh ko koi yaad kare

Masroof zamana mere lye

Kyun apna waqt barbaad kare

Main pal do pal ka shayar hon

Pal do pal mere jawani hai

Gila Kesa - Urdu Poem By Parween Shakir

Parween Shakir

Beautiful Manzar Bhopali Ghazal

Manzar Bhopali Poetry