Ajab sa rabt hai hum mai

Ajab sa rabt hai hum main, na ek doojay ko dekha hai,
Na ek doojay ki awazoo main, ek doojay ko dhoonda hai,
Tumhain jo kuch kaha maine isay tum sach samajhti ho,
Mujhe jo kuch kaha tum nay isay main sach samajhta hon,
Isi ek chat window main,
Hum ek doojay k jeevan k her ek mausam main rehte hain,
Ajab sa rabt hai hum main, ajab se yeh mohabbat hai,
Jisay tasveer aur awazoo se kuch nahi laina,
Jisay khuwahis nahi koi……………..
Kisi ko roobaro dekhain, kisi awaz ko pojay,
Mohabbat ki shabahat ko, kisi anmol saet ko,
Kisi k aks main dhoonday…………
Ajab se yeh mohabbat hai………!
K jis main lafz kehte hain aur akhein kuch nahi kehte,
Yeh lafzoo se behalti hai yeh in main sans laite hai,
Yeh in bejan tasveeron main kitne rang bharti hai,
Ajab sa rabt hai hum main, ajab se yeh mohabbat hai,
Jisay awaz aur tasveer se kuch bhi nahi laina,
K jo palko pe cahat k hazaron khuwab likhti hai,
Tumharay aur meray darmiyan jo sans laite hai,
Ajab se yeh mohabbat hai…………………………..!!!

Bhalay Dino Ki Baat Hai, Bhali Si Ek Shakal Thi

bhalay dinon ki baat hai, bhali si ek shakl thi, na ye ke husn taam ho, na dekhne mai aam si,
na ye ke wo chale to kehkashan si raah guzar lage,
magar wo saath ho to phr, bhala bhala safar lage,
koi bhi rut ho uski jab, fiza ka rung roop thi,
wo garmiyon ki chaon thi, wo sardiyon ki dhoop thi,
na aisi khush’libaasiyan ke saadgi gila kare,
na itni be-takallufi ke aaina haya kare,
na aashiqi junoon ki ke zindagi azaab ho,
na is qadar kathor’pan ke dosti kharab ho,
so ek roz kya huwa, wafa pe behes chidd gayi,
mai ishq ko amar kahun, wo meri zidd se chidd gayi,
wo ishq ka aseer tha, wo ishq ko kafas kahe,
ke tamam umar k saath ko, bad’tar azhawis kahe,
hijar shajar nahi hai ke hamesha paa’bagul rahe,
na dhol hai ke rasiyan, gale mai mustaqil rahen,
muhabbaton ki wus’aten, hamare dast’o'pa mai hain,
waseeq darse nisbaten sajan be-wafa mai hain,
tumhari soch jo bhi ho, mai is mizaaj ki nahi,
mujhe wafa se bair hai, ye baat aaj ki nahi,
na us ko mujh pe maan tha, na mujhko us pe zaum tha,
jo ahed hi koi na ho, to kya ghum-e-shikastagi,
so apna apna rasta, hansi khushi badal liya,
wo apni raah chal padi, mai apni raah chal padha….

Wo kehti hai udaasi tarq kar do ab

wo kehti hai udaasi tark kar do ab, sitaare jo saja rakhe hain palkon per,
wujood unka mitta daalo,
puraane dard hon saare,
daroon-e-jan jinhe mehsoos karte ho,
tadapte ho, bhula do sab,
wo toote khuwaab saare, jo tumhe har pal satate hain,
jinhe taqdeer kehte ho, jala do ab,
ghumon se tod k nata likho phir geet khushiyon ke,
bahaaron ke, milaao apne kehkahe fizaaon mai,
mai sunta hun sab hi uski kahi baaten,
magar khamosh rehta hun,
kahun bhi to bhala kaise kahun us se
phool-e-dil ke aangan mai saje hain jo gulon mai dhal to sakte hain
ye aansu na-muraadi ke hansi ki orh ke chaadar labon par khil to sakte hain,
badal to sakta hai rung-e-maatam-e-maazi,
magar ye tab hi mumkin hai,
agar haathon mai mere haath ho tera,
muyassar saath ho tera,
wo kehti hai udaasi tark kar do ab,
Udaasi Tark Kardo Ab…!!!!

Kahaa Tha Naa……

Kaha Tha Na..!
Meri Khamoshiyoon Ko Tum
Koi Maani Nahi Dena
Judaai Ki Sabhi Batein Meri Aankhoon Me Parh Lena
Meri Is Muskurahat Me
Ager Mehsoos Ker Paao
To Mere Anso’oon Ki Tum Nami Mehsoos Ker Lena
Meri Sochein
Mere Alfaaz Ka Roop Leti Hein
Tumhara Aks Banta Hai
Meri Neendoon Me Jab Jab Ratjagoon K Deep Jaltey Hein
Tumhara Zikr Chalta Hai
Tumhari Yaad Maazi K Darichey Khol Deti Hai
Tumhari Shabnami Aahat Yeh Mujh Se Bol Deti Hai
Kaha Tha Na !
Humarey Darmiyaan Yeh Fasley Qismat Me Likhey Hein
Or Is Qismat Key Likhey Ko
Badal Tum Bhe Nahi Sakti, Badal Mein Bhe Nahi Sakta
Mager Mushkil Yehi Hai Hirj K Purpaich Rastoon Pr
Sanbhal Tum Bhe Nahi Saktein, Sanbhal Me Bhe Nahi Sakta
To Behtar Hai K Hum Ik Dosrey Ki Yaad Key Humraah Ho Jayein
K Ab K Is Muhabbat Se
Nikal Tum Bhe Nahi Sakti, Nikal Me Bhe Nahi Sakta
Suno Jana !
Tumhari Shabnami Aahat Mre Ander Dharakti Hai
Mager Jab Kaamshi Se Tum Koi Maani Leti
To Yeh Dil Rooth Jata Hai
Mere Ander Kahi Pr Kuch
Achanak Toot Jata Hai…!!!

Wo kehti hai sunoo jana

wo kehti hai suno jana,
muhabbat mom ka ghar hai,
tapish ye bad-gumaani ke, kahin pighla na de is ko,
mai kehta hun k jis dil mai, zara bhi bad-gumaani ho,
wahan kuch aur ho to ho, muhabbat ho nahi sakti,
wo kehti hai sada aise hi kya tum mujhko chaho ge,
ke mai is mai kami bilkul gawara kar nahi sakti,
mai kehta hun muhabbat kya hai, ye tum ne sikhaya hai,
mujhe tumse muhabbat ke siwa kuch bhi nahi aata,
wo kehti hai judai se bht darta hai mera dil,
ke khud ko tum se hatt kar dekhna mumkin nahi hai ab,
mai kehta hun yehi khad’she bohut mujh ko satate hain, magar sach hai muhabbat mai judai saath chalti hai,
wo kehti hai batao kya mere bin jee sako ge tum,
meri baaten, meri yaaden, meri aankhen bhula do ge,
mai kehta hun kabhi is baat ko socha nahi maine,
agar ek pal ko bhi jo sochun, to saansen rukne lagti hain,
wo kehti hai tumhe mujh se muhabbat is qadar kyun hai, ke mai ek aam si ladki tumhe kyun khaas lagti hun,
mai kehta hun kabhi khud ko meri aankhon se tum dekho, meri dewaangi kyun hai, ye khud hi jaan jao gi,
wo kehti hai mujhe waraft’gi se dekhte kyun ho,
ke mai khud ko bohut hi keemti mehsoos karti hun,
mai kehta hun mata’ae jaan bht anmol hoti hai,
tumhe jab dekhta hun, zindagi mehsoos karta hun,
wo kehti hai mujhe alfaz ke jugnoo nahi milte, tumhe bat’la sakun dil mai kitni muhabbat hai,
mai kehta hun muhabbat to nigahon se chalakti hai,
tumhari khamoshi mujhse, tumhari baat karti hai,
wo kehti hai ke batao na, kisse khone se darrte ho, batao kon hai wo jis ko ye mausam bulaate hain,
mai kehta hun ye meri shayri hai aaina dil ka,
zara dekho batao kya tumhe is mai nazar aaya,
wo kehti hai ke atif jee, bohut baaten banate ho,
magar sach hai ke ye baaten bohut hi shaad rakhti hain,
mai kehta hun ye sab baaten, fasaane ek bahana hai, ke pal kuch zindagani ke, tumhare sath kat jayen,
phir us ke baad khamoshi ka dil’kash raqs hota hai,
nigaahen bolti hain aur lab khamosh rehte hain.

Mujh ko baaten kab aati hain

Mujh Ko Baatein Kab Aati Hain ?
Main To Bus Khamosh Sa Sha‘Ir Ulfat Chahat Ke Rango Se
Dil Ki Khali Tasveero Me
Koi Mohabbat Likh Deta Hoon ?
Aur Kabhi Deewar Se Lagkar
Koi Mohabbat Ro Deta Hoon ?
Aur Kabhi Aankho Aankho Mein
Saari Baatein Keh Jata Hoon ?.
Main To Ek Khamosh Sa Sha‘Ir
Mujhko Baatein Kab Aati Hain ???
Mujh Ko Baatein Gar Aati To
Tum Kiya Mujh Ko Chhor Kar Jaati ???
Mere Sapne Tod Kar Jaati ???
Kiya Meri Aankho Mein Dukh Ke
Itne Aansoo Dekh Sakti Thi ???
Mera Kul Sarmaya Tha Jo
Kiya Mujhse Woh Le Sakti Thi ???
Mujh Ko Baatein Gar Aati To
Main Bhi Tumse Woh Sab Kehta
Jo Tum Sunne Ki Khwahish Mein
Saare Raaste Bhool Aayi Ho
Saare Rishte Bhool Aayi Ho
Main Thera Khamosh Sa Sha‘Ir
Mujh Ko Baatein Gar Aati To
Tum Bhi Mere Khwab Sajaati
Yoon Na Tanha Chhor Kar Jaati
Kaash ! Mujhe Bhi Baatein Aati ..

Kasoor Nahi Is Mai Kuch Bhi Inka FARAZ, ,

Kasoor Nahi Is Mai Kuch Bhi Inka FARAZ, ,
Hamari Chahat Hi Itni Thi Ke Unhe garoor Ho Gaya, , , , ,