Ay Dil-e-Betaab Tehar By Faiz Ahmed Faiz

Faiz Ahmed Faiz

Ay Dil-e-Betaab Tehar

Teergi hai k umandti hi chali aati hai

Shab ki rag tag se lahoo photo raha ho jese

Chal rahi hai k kuch is andaaz se nabz-e-hasti

Dono aalam ka nasha toot raha ho jese

Raat ka garam lahuu or bhi beh jaane do

Yehi tareeki to hai ghaza-e-rukhsaar-e-sehar

Subha hone hi ko hai ay dil-e-betaab tehar

Abhi zanjeer jhanakti hai pas-e-parda saaz

Mutlaq ulhukum hai shiraza-e-asbaab abhi

Sagar-e-naab main aanso bhi dhalak jaate hain

Laghzish-e-paa main hai pabandi-e-aadaab abhi

Apne diwanon ko diwana to ban lene do

Apne mekhanon ko mekhana to ban lene do

Jald ye satoot asbaab bhi uth jaye gi

Ye giranbaazi-e-aadaab bhi uth jaye gi

Khuah zanjeer chanakti hi, chanakti hi rahe

Idher Dua Ki Samanton - Ghazal By Dr. Faryaad Aazar

Dr. Faryaad Aazar

Ghazal

Idher dua ki sama’aton ka riwayati asmaan bhi chup

Idher sisakte hue labon ka barhana, tarz-e-bayaan bhi chup

Na jaane kin khuwahishon ki shiddat ka shor kamre main gonjta tha

Na jaane kya keh gaye hawa, hogaya khali makaan bhi chup

Naye ruton ne hawa ki ru se na jaane kya saaz baaz karli

K sabz sadiyun se goonjti arahi nida-e-azaan bhi chup

Kahin koi sar phiri nida parda samaat bhi noch dale

Magar kahin dasht-e-samaat se ehtajaji zubaan bhi chup

Pukarta tha panah le le koi bhi saye main mere “Aazar”

Thi dhoop aise hamare sar pe k hogaya sayebaan bhi chup

Para Tha Likhna Mujhay By Dr. Faryaad Aazar

Dr. Faryaad Aazar

Para tha likhna Mujhay Khud Hi “Marsia mera”

K mere baad bhala or kon tha mera

Ajeeb tour ki mujh ko saza sunaaye gaye

Badan k naize pe sar rakh dya gaya mera

Yehi k saans bhi lene na degi ab mujh ko

Ziada or bigare gi kya hawa mera

Main apni rooh lye darbar bhataka raha

Badan se door mukammal wajood tha mera

Mere safar ko to sadiyan guzar gayen lakin

Falak pe ab bhi hai qayam nishaan-e-Paa mera

Bas aik baar mila tha mujhay kahin “Aazar”

Bana gaya wo mujhi ko mujassama mera

Short Urdu Sms Sher

Urdu Sms Ashaar

Halaat-e-Ishq Se Gir Pare Zameen Pe Aa Kar

Hum Rashk-e-Asmaan The Abhi Kal Ki Baat hai

Yeh lehja Yeh Aadawat, Ye Tarz-e-Muhabbat Tumhari

Samjh Paaon To Bikhar Jaon, Na Samjhon To Ulajh Jaon

Udaas Kar Gaya Pehle Hi January Ab K

Wo Saal-e-Nau Pe Mila Bhi To Sarsari Ab K

Her Sitam'gar Ko Yeh Humdard Samajh Layti Hai,

Kitni Khush Feham Hai Kam'bakht Jawaani Apni

Hamari Tarah Koi Dosra By Dr.Peerzada Qasim

Dr.Peerzada Qasim

Vice Chancellor of University Of Karachi

Hamari tarah koi dusra hua bhi nahi

Wo dard dil main rakha hai jo ladawa bhi nahi

Ussi ko dekhti rehti hain chashm-e-shokh madam

Jo gham abhi sar-e-shakh-e-alam khila bhi nahi

Hamara dard ajab marhale main hai k jahan

Wo besukhan bhi nahi, or lab kusha bhi nahi

Junoon-e-ishq ya zanjeer-e-gham samhale rakh

Jo ye nahi, to aaghaz-e-aashna bhi nahi

Ibadaton Ki Tarah - Dr Basheer Badar

Dr Basheer Badar

Ibadaton ki tarah, main ye kaam karta hon

Mera asool hai, pehle salam karta hon

Mukhalfat se mere shaksiyat sanwarti hai

Main dushmanon ka bara ehtaraam karta hon

Main dar gaya hon bohat saya daar peron se

Zara si dhoop bicha kar qayam karta hon

Mujhay Khuda ne ghazal ka diyaar bakhsha hai

Ye saltanat main muhabbat k naam karta hon

Dariya Se Ikhtelaaf Ka Anjaam - Dr Basheer Badar

Dr. Basheer Badar

Ghazal

Dariya se ikhtelaaf ka anjaam soch lo,

Lehron k sath sath baho tum nashe main ho

Kya doston ne tum ko pilaye hai raat bhar

Ab dushmanon k sath raho tum nashe main ho

Be had shareef logon se kuch fasla rakho

Pee lo, magar kabhi na kaho tum nashe main ho

Kaghaz ka ye libaas, chiraghon k shehar main

Janan! Samhal samhal k chalo tum nashe main ho

Masoom titliyun ko masalne ka shok hai

Toba karo, Khuda se daro, tum nashe main ho